Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Históricamente, la espresión Movimientu polos derechos civiles fai referencia a un ampliu conxuntu d'actividaes sociales que, desenvueltes en tol mundu mientres el periodu averáu que va de 1954 a 1980, tuvieron empuestes a solicitar y promover determinaos derechos civiles básicos (fundamentalmente, el de la igualdá de tolos ciudadanos ante la llei). El procesu, que portó l'apaición de numberosos casos de rebelión popular ante'l poder establecíu, foi llargu, complexu y conflictivu en dellos países, con resultancies diverxentes ente ellos.
La manifestación más conocida del Movimientu polos derechos civiles, y qu'en munches ocasiones emplégase como sinónimu del mesmu, foi'l procesu de reclamación y adquisición de la igualdá ente negros y blancos n'Estaos Xuníos.